ബെംഗളൂരു : ചാമുണ്ഡേശ്വരീദേവിയെ ബഹുമാനിക്കാൻ ബാനു മുഷ്താഖ് തയ്യാറായാൽ ദസറ ആഘോഷം അവർ ഉദ്ഘാടനം ചെയ്യുന്നതിനെ സ്വാഗതം ചെയ്യുമെന്ന് മൈസൂരു രാജാവും എംപിയുമായ യദുവീർ കൃഷ്ണദത്ത ചാമരാജ വൊഡയാർ. ദസറ ഉദ്ഘാടനത്തിൽ മതവികാരം വ്രണപ്പെടുത്തരുതെന്നും അദ്ദേഹം പറഞ്ഞു.
ദസറ ഉദ്ഘാടകയായി ബാനു മുഷ്താഖിനെ നിശ്ചയിച്ചതിനെതിരേ ബിജെപി എതിർപ്പുന്നയിക്കുന്നതിന്റെ പശ്ചാത്തലത്തിലാണ് അദ്ദേഹത്തിന്റെ പ്രതികരണം. കന്നഡഭാഷയ്ക്കും സാഹിത്യത്തിനും ബാനു മുഷ്താഖ് നൽകിയ സംഭാവനകൾ വലുതാണ്.
സാമൂഹികപ്രസ്ഥാനങ്ങളിലെ അവരുടെ സജീവപങ്കാളിത്തവും സ്ത്രീകൾക്കുവേണ്ടിയുള്ള നിലപാടുകളും എടുത്തുപറയേണ്ടതാണ്. അവരെ ദസറ ആഘോഷത്തിന് ക്ഷണിച്ചതിനെ എതിർക്കാനുമാവില്ല. എന്നാൽ, ദസറ ആഘോഷത്തിന് മതപരമായും പരമ്പരാഗതമായും ആഴത്തിൽ പ്രധാന്യമുണ്ട്.
അത് ആചാരങ്ങളിലും അനുഷ്ഠാനങ്ങളിലും ആഴത്തിൽ വേരൂന്നിയതാണെന്നും യദുവീർ ചൂണ്ടിക്കാട്ടി പറഞ്ഞു. ചാമുണ്ഡേശ്വരിയെ തനിക്ക് ബഹുമാനമാണെന്നും കുട്ടിക്കാലംമുതലേ ദസറ ആഘോഷത്തിന് കുടുംബാംഗങ്ങളോടൊപ്പം വരാറുണ്ടായിരുന്നെന്നും ബാനു മുഷ്താഖ് കഴിഞ്ഞദിവസം പറഞ്ഞിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
